Mae Twyll yn fath o drosedd a ddiffinnir fel:
'camddefnyddio safle, neu ddatganiad ffug, neu ragfarnu hawliau rhywun i gael elw personol'.
O'i roi'n syml, mae twyll yn weithred o ddichell wedi'i bwriadu ar gyfer elw personol neu i achosi colled i rywun arall. Gall y drosedd gyffredinol droseddol o dwyll gynnwys dichell lle mae rhywun yn fwriadol yn gwneud datganiad ffug neu'n methu â datgelu gwybodaeth neu'n camddefnyddio safle.
Mae twyllwyr bob amser yn ceisio darganfod dulliau newydd i'ch twyllo o'ch arian. Gallwch gael eich hun yn cael eich targedu drwy e-byst, galwadau ffôn, llythyron, safleoedd rhwydweithio cymdeithasol neu hyd yn oed ystafelloedd sgwrsio.
Bydd yr heddlu ac weithiau asiantaethau eraill yn delio â'r mwyafrif o achosion o dwyll. Ein rôl ni yw brwydro'r achosion mwyaf difrifol neu gymhleth o dwyll a llygredd yn unig. Mae hyn yn golygu bod gennym ddiddordeb arbennig mewn mynd i'r afael â thwyll mawr a allai gynnwys:
- Colli dros filiwn o bunnoedd
- Bod yn sensitif yn wleidyddol
- Cael effaith sylweddol ar ein heconomi
- Neu fod â lefel uchel o gymhlethdod.
Y prif fathau o dwyll y byddwn ni'n eu hymchwilio yw:
- Twyll buddsoddi
- Llwgrwobrwyaeth a llygredd
- Twyll corfforaethol
- Twyll y Sector Cyhoeddus
I ddarganfod mwy am y mathau hyn o dwyll ac i weld enghraifft o astudiaeth achos o bob un, edrychwch ar yr adran hon ymhellach.
